Debat televiziv me Këlliçin? Veliaj: Janë njerëz “non grata”

Kryebashkiaku aktual dhe njëherazi kandidati socialist për mandatin e tretë në krye të Bashkisë së Tiranës, Erion Veliaj, ka folur për strategjinë e fushatës për zgjedhjet lokale të 14 Majit.

I ftuar në “Top Story”, Veliaj thekson se arsyeja pse e vë theksin tek çifti Berisha-Meta dhe jo rivali i tij në zgjedhje, Belind Këlliçi, është sepse politika shqiptare ndodhet në një situatë ku opozitën shqiptare e përfaqësojnë persona “non grata”.

“Të kesh njerëz që të ofrojnë ty zgjidhje, ndërkohë që nuk kalojnë dot Rinasin. Të kesh njerëz që premtojnë se do të kujdesen për shtëpitë tona, ndërkohë që shkatërruan selinë e tyre”- është diçka jo normale sipas Veliajt.