Debate në parlament për interpelancën me Ramën. Nikolla: Ja pse nuk u fut në rend dite

Seanca e sotme plenare ka nisur me debate pasi Partia Demokratike dhe deputetët e opozitës kanë kërkuar mocion me debat me kryeministrin Edi Rama për situatën ekonomike. Sekretari i grupit parlamentar të PD, Arbi Agalliu kërkoi që të ndryshonte rendi i ditës dhe kryeministri Rama të dilte sot në interpelancë, por kjo gjë nuk është pranuar.

Edhe Edmond Spaho deklaroi se Rama duhet të ishte sot në interpelancë. Nga ana tjetër kryetarja e Kuvendit Lindita Nikolla deklaroi se ishte pamundësi objektive për të mundësuar interpelancën e kryeministrit në këtë seancë.