Dëbora bllokon rrugët në Qarkun e Dibrës, ja cilat janë akset më problematike

Reshjet invensive në Dibër kanë bllokuar rrugët duke bërë të pakalueshme aksin rrugor: Peshkopi-Maqellarë- Bulqizë; Bulqizë-Ura e Vashës-Qafë Murrizë.

Policia lokale sqaron se firmat e mirmëmbajtjes së këtyre akseve po punojnë intensivisht për hapjen e tyre.

“Strukturat e Drejtorisë Vendore të Policisë Dibër, janë në gadishmëri të plotë për ti ardhur në ndihmë çdo përdoruesi rruge dhe apelon për drejtuesit e mjeteve që të mos qarkullojnë pa goma dimërore dhe zinxhirë duke shkaktuar trafik dhe bllokim rruge, të shmangin lëvizjet e panevojshme dhe të mos bëjnë manovra të rrezikshme në rrugë. Në rast nevoje për ndihmë, telefononi në numrin 112”, thuhet në njoftim.