Dëborë në Dardhë, trashësia e saj arrin deri në 15 cm

Në një pjesë të qarkut të Korçës janë rikthyer reshjet e borës. Në fshatin turistik të Dardhës mëngjesin e së dielës janë regjistruar 15 cm borë.

Ndonëse ka rënë borë, situata në akset nacionale vazhdon të jetë normale. Me dhjetëra kanë qenë turistët që kanë shkuar në Dardhë në fundjavë për të shijuar atmosferën që krijon dëbora.

“Jemi nga Spanja dhe jetojmë në Tiranë. Vendosëm të vijmë në Dardhë për ta njohur. Vend i vogël, por shumë i këndshëm”, thotë një turiste.