Delvinë, rrihen në mes të qytetit djali dhe vëllai i kreut të PDIU

Në prag të zgjedhjeve të nesërme, në Delvinë janë ndezur gjakrat.

Djali i ish-nënkryetarit të Bashkisë së Delvinës, njëkohësisht kreu i PDIU-së në këtë qytet, Ilir Mehmeti, është rrahur në mes të qytetit.

Igli Mehmeti është rrahur nga djali i xhaxhait të kryebashkiakut demokrat të Delvinës, Kreshnik Alinani.

Gjatë incidentit është qëlluar me shkop në kokë edhe vëllai i kreut të PDIU, Ledo Mehmeti.

Ndërkohë, agresori ka sulmuar edhe makinën e Igli Mehmetit, duke i thyer xhamat.