Dëmi nga gripi i pulave rezultat i paaftësisë institucionale apo i korrupsionit? Ish-zv/ministri: SPAK të hetojë

Ish-zëvendësministri i Bujqësisë, Roni Telegrafi thotë se për gripin e shpendëve, duhet një hetim i thelluar nga SPAK, nëse dëmi nga gripi i pulave rezultat i paaftësisë institucionale apo i korrupsionit.

Postimi i plotë

Organet e drejtësisë duhet të hetojnë të gjithë procesin e analizimit nga ISUV të 60 kampionëve, të cilët kanë rezultuar me Laringotrakeid.

Rrethanat e menaxhimit të Gripit te Shpendëve nga organet përkatëse, ngreh mjaftueshëm dyshime të arsyeshme që rezultatet e testeve, në rastin më të mirë janë produkt paaftësie, dhe në rastin më të keq produkt korruptiv.

Vetëm një hetim i thelluar nga SPAK, mund të na japë përgjigje nëse dëmi i shkaktuar nga Gripi i Shpëndëve eshte rezultat i paaftësise institucionale apo i korrupsionit.