Denaj: Pagesa do bëhet direkt në llogarinë e secilit punonjës

Në këtë kohë të pandemisë, qeveria do të japë “pagën e luftës”. Të gjithë ata punonjës të bizneseve që përfitojnë nga paketa ekonomike e qeverisë do ta marrin pagesën direkt në llogarinë e tyre bankare. Lajmin e bëri të ditur ministrja e Financave, Anila Denaj në një lidhje me skype për emisionin “Ekopolitikë” në RTV Ora. Kurse më herët, kryeministri Edi Rama tha se 731 milionë lekë të reja është shuma e deklaruar në regjistrin e pagave nga biznesi i vogël.