Denoncohet nga adoleshenti për ngacmim seksual, në pranga 49-vjeçari

Një burrë në Tiranë ngacmonte seksualisht një adoleshent dhe u denoncua prej tij.

Gjatë mbrëmjes së djeshme policia njoftoi se është bërë ndalimi i 49- vjetarit, Sokol Metaj, me banim në Tiranë.

Arrestimi i tij u bë pas denoncimit të bërë nga 17- vjeçari me iniciale R.V., me banim në Tiranë.

Ai ka thënë para uniformave blu se Metaj ka kryer veprime të natyrës ngacmuese seksuale ndaj tij gjatë ditës së diel, ngjarje e ndodhur në rrugën “Anton Ashta”. Priten dëshmi dhe hetime mbi të kaluarën e të prangosurit, për të zbardhur të vërtetën.