Deputetët e PD-së braktisin Komisionin e Ligjeve: Kemi frikë të punojmë

Deputetët demokratë kanë braktisur punën në mbledhjen e Komisionit të Ligjeve.

Ata kanë kërkuar dorëheqjen e Metës.

Në debatin e zbardhur nga “Panorama”, deputetët demokratë thonë se kanë frikë të punojnë, pasi aty lëviz Ilir Meta.

Debati

Bylykbashi: Sot kemi porosinë për të vrarë dy deputetë janë kolegë të këtij komisioni. Porosia është bërë nga kreu i kuvendit. Është kërkuar zyrtarisht nga PD mocion për shkarkimin e kreut të kuvendit. Prokuroria ka nisur hetimin për këto akuza. Një gjë kaq e rëndë nuk mund të hetohet kurrë nëse ilir meta vazhdon të jetë numri dy i shtetit. Kjo mbedhje nuk mund të vazhdojë të trajtojë ceshtje sikur nuk ka ndodhur asgjë.

Xhafaj: Po kërkoni të devijoni procedurën parlamentare. Akuzën po e shqyrton prokuroria. Në rastin më të keq iu po i ushtroni presion prokurorisë. Po flisni për nje gjë hipotetike ndërkohë që keni 4 të vrarë në bulevard.

Ristani: Ju bej thirrje ta marrim seriozisht këtë problematikë. Jemi me frikë të vijmë në këtë godinë. Dy kolegë të ketij komisioni tentuan të vriten nga kryetari i Kuvendit. Ai po lëviz i lire në këto korridore.

Braho: Kush iu ka thene ju qe Meta do vriste dy deputetë?

Ristani: Koleget tane te ketij komisioni qe akuzojne Meten se ka dashur ti vrase. Ne nuk jemi ne gjendje te punojme ne komision dhe kemi frike se ne korridoret e ketij parlamenti shetisin vrasës.

Braho: Kush ua ka thene?

Ristani: E ka thene Tom Doshi

Halimi: 2 deputete te këtij komisioni kane dashur te vriten. Nuk mund te mbyllim syte ne kete mes

Xhafaj: Më thuaj cfare te bej une

Halimi:Duhet mbajtur qendrim. Te flasim per krimet qe kane ndodhur para 100 vjetesh (ne rend dite eshte ligji i dosjeve) kur ne kemi krimin ketu.

Ristani: Nëse Meta ka urdhëruar vrasjen e deputetëve është e frikshme të punosh këtu

Ristani: Kjo që po themi ne është per të mirën tuaj se mund ta hani ju nesër.

Silva Caka: Akuzat nuk mund të vërtetohen në Komisionin e Ligjeve. Berisha tha në Shkodër se Tom Doshi ishte kryetrafikant ndërsa Berisha Junior tha se Doshi mori diplomën e shkollës së lartë pa mbaruar shkollën e mesme. Problemi juaj me prokurorinë është se nuk i thoni dot Llallës lavire bulevardi sic i thatë Ina Ramës

Strazimiri: Tom Doshi kushdo që është nuk e meriton ti vihet tritoli dhe të vritet nga kryetari i kuvendit

Silva Caka: E ke vertetuar ti këtë?

Strazimiri: Tom Doshi di ca gjëra për 21 janarin. Nëse doni të zbardhni gje per 21 janarin duhet ta mbroni këtu