Deputeti i PS: Kam komshi kancelarin e Austrisë, më tha ti bëjë të fala Ramës

Deputeti i Partisë Socialiste në Vlorë, Fate Velaj, në një status të publikuar në rrjetet sociale ka rrëfyer bisedën me kryeministrin e Austrisë Sebastian Kurz.

Velaj thotë jo pa mburrje se e ka shtëpinë në Vjenë, në të njëjtën lagje që ku banon politikani më i sukseshëm i viteve të fundit në Austri.

Postimi i plotë i Fate Velaj: 

NJË KRYEMINISTËR DHE KOMSHI

…sot, 12.10.2018, i nisur në orën 4.30 të mëngjesit për të ardhur në shtëpi, në Vjenë, në orën 9.35, kur edhe pak metra më duheshin të hapja portën e godinës time, nga godina e tij, doli kancelari (kryeministri) austriak Sebastian Kurz i cili, sa më pa, më përshëndeti dhe më tha:

nga po vjenë?

nga Tirana, – i thashë. Të dielën nisem për Bruksel ku, të hënën, në Parlamentin Europian, do raportojmë mbi sukseset në rrugën Europiane të Shqipërisë si dhe hapat e mbetura drejt hapjes së negociatave. Dërgoji të falat e mia Edit, – tha ai dhe hyri në makinë e u nis për në punë ndërsa unë, vazhdova rrugën për në shtëpinë time ku më prisnin…