Deputeti i PS: Të gjitha vaksinat në botë janë kineze në teknologji, e gabuar loja politike

Deputeti Socialist, Ervin Bushati i ftuar në Ditë e Re në RTV Ora, u shpreh se vendi ynë ka një ecuri shumë të mirë të vaksinimit.

Sipas tij, po vaksinohet gati 1% e popullatës në ditë dhe në 50-60 ditë vendi ynë kap imunitetin e shoqërisë, për tu kthyer në normalitet në qershor.

Ervin Bushati: Sot Shqipëria ka një ecje shumë të mirë. Po vaksinohet gati 1% e popullatës në ditë. Po të heqësh fëmijët dhe ata që e kanë kaluar, ne i bie që për 50, 60 ditë, të kapim imunitetin e shoqërisë. I bie që në qershor të kalojmë në normalitet. Po ecën shumë mirë. Duhet një vendim ndërkohë që po të presësh studimet, dakord nuk mund të jetë 1000%. Por unë di që në 250,000 raste nuk ka patur asnjë problem me vaksinën. Dhe çfarë vaksine ke bërë ti kur ke dalë nga materniteti në 1985. Pra në 1985 as që e ke ditur a ishte vaksinë kineze, a mongoliane, ruse, në sa gradë mbahej. Nuk mund të jene njerëzit kaq egoistë. Sot janë bërë politike. Sot vaksinat e 2021-it janë më të mirat dhe të kesh këto dyshime është thjesht lojë politike. E mbaroi Izraeli , sot janë të gjithë në rrugë.

Të gjitha vaksinat janë kineze në teknologji. Pra sekuenca e RNA-së që u nda me datë 20-25 të vitit të kaluar ishte nga shkencëtarët kinezë dhe kushdo ka punuar mbi teknologjinë kineze. Asnjë nuk e ka dyshuar. Të gjitha vaksinat sot janë të bazura në teknologjinë kineze. Kina sot është shumë e avancuar teknologjikisht dhe gabimi që bëri Europa dhe bota ishte ky që, hë se është një virus në Kinë , ku i duhet çfarë bëhet andej. Kina e mbylli, e kontrolloi me gjithë teknologjinë që ka. Janë shumë përpara në inteligjencën artificiale, në rrjetet teknologjike, në 5G. Kina sot është shumë më e avancuar. Për 3 javë zbërtheu gjithë kodin e RNA-së të Covid Sarsit si virus dhe ja dha falas gjithë botës. Pra të gjitha këto janë diskutime kot.

Bushati shtoi se Sali Berisha is ish-doktor dhe pensionist, duhet të dilte të jepte shembullin dhe të thoshte se do ta bëjë vaksinën si bashkëmoshatarët e tij.

Ervin Bushati: Ndërkohë që shtetet që kanë avancuar dhe sot po rikthehen në jetë siç ishte Izraeli apo siç do jemi dhe ne pas 2 muajsh. Kanë bërë shumë mirë, ndërkohë që me studime siç lexova dje ne Financial Times edhe në SHBA konservatorët, të djathtët, 30% nuk besonin në vaksinë. Në Itali ka 5 me 6 vite që politikanët populistë kanë ecur me teoritë se vaksinat janë të këqija për njerëzimin. Vaksinat ka 200 vjet që janë mes nesh, nuk i ka pyetur njeri. Kanë që në 1807 që bëhen mes njerëzve dhe kanë shpëtuar gjenerata të tëra. E kanë çuar botën 8 miliardë njerëz.

Sot është bërë politike gabimisht. Njerëzit që duhet të dilnin të parët duhet të ishin ish-doktorët , pensionistët. Sali Berisha ish-doktor, pensionist, 80 vjeç duhet të dilte të jepte shembullin dhe të thoshte unë jam në pension do bëj vaksinën si bashkëmoshatarët e mi. Kështu duhet ta bënte gjithë opozita dhe ky popull ta kishte mbaruar sot.