Deputeti voton kundër shkarkimit të Metës, tregon edhe fletën

Në Kuvend vijon votimi për shkarkimin e Presidentit Ilir Meta. Në mesin e deputetëve që janë kundër, është edhe ish-deputeti i Partisë Socialiste Gjetan Gjetani, i përjashtuar tashmë nga ky grup.

Përmes një postimi në facebook, ai ka publikuar fletën e votimit ku shihet qartë votimi kundër shkarkimit të Presidentit Meta.

Për shkarkimin kërkohen 94 vota, ndërsa Kreu i Shtetit ka deklaruar se nuk do ta njohë vendimin e Kuvendit. Por fjalën e fundit në rast se Kuvendi do të votojë “pro” shkarkimit të Presidentit do ta ketë Gjykata Kushtetuese.