Deputetja e pavarur deklaron votën pro Reformës Zgjedhore: Me marrëveshjen fiton Opozita e Bashkuar
Deputetja e pavarur e dalë nga listat e LSI, Suzana Topi ka deklaruar votën pro në Kuvend për marrëveshjen për Reformën Zgjedhore.
Ajo thotë se me këtë marrëveshje i hapet rruga zgjedhjeve të lira e të ndershme dhe fiton Opozita e Bashkuar.
Topi shpreh hapur dëshirën që opozita jashtëparlamentare të rikthehet në institucione pasi sipas saj mazhoranca ka kapur çdo pushtet.
STATUSI NGA SUZANA TOPI
Të dashur miq!
Dua të përshëndes marveshjen e këshillit politik për Reformen Zgjedhore e firmosur nga të gjithë aktorët politikë ,e cila mori bekimin e partnerëve tanë ndërkombëtarë SHBA dhe BE.
Sigurisht që kjo reforme ka nevojë të përmirësohet më tej për të bërë votime me lista të hapura, për pjesmarjen e emigrantëve në votime, për implementimin e sistemit elektronik në votime.
Vota ime si deputete e pavaruar nga asnjë grup parlamentar
“do të jetë PRO kësaj marveshjeje “
sepse une dua integrimin e Shqipërisë në Europë , sepse unë dua që opozita jashtë parlamentit të këthehet në institucione, pasi Rilindja ka kapur të gjitha pushtetet si atë ekzekutiv,legjislativ , drejtesinë, pushtetin vendor.
Parlamenti që duhet të jetë tempulli i demokracisë është i kapur ,aty janë votuar ligje antikushtetuese per PPP , Konçesione, Ligji i Antishpifjes për mediat , është ngritur komision hetimor për Presidentin e Republikës , janë votuar ligje që cënojnë liritë dhe të drejtat themelore të njeriut.
Kjo marveshje i shërben demokracisë për ti hapur rrugën zgjedhjeve të lira dhe të ndershme !
Me këtë marveshje fiton opozita e bashkuar fitojne Shqiptarēt!
