Deputetja e PD: Edhe në PS do të ketë persona “non grata”

Deputetja e PD, Orjola Pampuri, shprehet se “kryetari nuk mund të ikë sa herë që ka pakënaqësi personale”.

Në një intervistë për “gazetën Shqiptare” Orjola Pampuri paralajmëron se do të ketë edhe personazhe të tjerë “non grata” edhe nga Partia Socialiste. Anëtarja e kryesisë së PD-së apelon se duhet vijuar beteja me kundërshtarin e vetëm politik, PS-në dhe Edi Ramën.

“Përgjatë të gjithë kësaj interviste kam përmendur korrupsionin që është përfshirë kjo qeveri dhe pa diskutim, sikurse e kemi dëgjuar shpesh të artikulohet, do të kemi edhe personazhe të tjerë “non grata” dhe nga Partia Socialiste“, tha Pampuri.