Dërgesat e emigrantëve, 1,5 miliardë dollarë gjatë pandemisë, më të ulëtat në rajon

Llogaritet në 1,5 miliardë dollarë shuma e dërgesave të emigrantëve shqiptarë pranë të afërmve në atdhe gjatë vitit pandemik 2020. Shifra bëhet e ditur në një raport të Bankës Botërore, që vlerëson se flukset e remitancave përmes kanaleve digjitale janë rritur, veçanërisht për emigrantët me qasje në llogaritë bankare dhe kartat e kreditit.

Raporti tregon se Shqipëria renditet në dhjetëshen e përfituesve më të mëdhenj të remitancave në Europë dhe Azinë Qendrore me 9,7% në raport me Prodhimin e Përgjithshëm Kombëtar, ndonëse në shifra më të ulëta sesa rajoni.

Sipas Bankës Botërore, Serbia, Bosnjë-Hercegovina, Maqedonia e Veriut, Mali i Zi apo Kosova kanë pasur më shumë të ardhura nga dërgesat formale të diasporës.