Dëshmia nga Nuredin Dumani, zbuloi edhe lidhjet e policëve me bandat

Rrëfimi nga Nuredin Dumani dhe Enrik Hoxhaj, që deklaruan krime dhe larje hesapesh mes bandash, ka tronditur mbarë opinonin publik. Po ashtu nga rrëfimi tani është vënë një pikëpyetje e madhe ndaj policisë për hetimet në vrasjen e Emiliano Ramazanit. Për këtë ngjarje një informator i pakontrolluar futi në kurth oficerin Leonard Palushi që ishte shef sektori për hetimin e vrasjeve.

Informatori i tha policit se arma e krimit ishte në servisin e familjes Manhasa duke sjellë me pas arrestimin e Seit Manhasës dhe të të birit që qëndruan me burg pa të drejtë për gjatë muaj. Rasti i oficerit Leonard Palushi është më i rëndi ku faktohet implikimi i policisë në krim.

Përgjatë 2-3 viteve të fundit, policia ka ndërmarrë shpesh herë operacione me FNSH e RENEA për arrestimin e krerëve të grupeve kriminale, por gjithmonë ka dalë duarbosh ose në rastin më të keq i janë përgjigjur me plumba siç ishte rasti i qershorit të vitit 2016 në banesën e Çapjave në Krastë të Elbasanit.

Operacionet dështonin pavarësisht se referuar dosjes së SPAK me dëshminë e Nuredin Dumanit e Enrik Hoxhajt të shumëkërkuarit lëviznin lirshëm në Shqipëri e Kosovë dhe në lokale e restorante merrnin porosi për vrasje me pagesë. /TCH/