Dhimbje, frikë, ankth/ Natë e vështirë për banorët në kampin e Thumanës

Banorët e Thumanës e Durrësit që mbetën pa shtëpi nga tërmeti i 26 qershorit kaluan një natë të vështirë për pasojë të reshjeve të shiut. Ndërsa mëngjesin e sotëm, qeveria vendosi ti largojë të gjithë nga kampet dhe ti strehojë në hotele.

Stuhia e shiut e vështirësoi jetën e banorëve që mbetën pa strehë nga tërmeti i 26 qershorit.

Çadrat në kampin e Thumanës nuk e përballuan intensitetin e reshjeve.

Një pjesë u larguan nga kampi për tu strehuar në Shëngjin, por të shumtë janë ata që nuk duan të ikin.

“Vetëm një gjë doja ta pyesja kryeministrin. A ka nevojë ky popull për azil ekonomik apo nuk ka? A është kjo ekonomia dhe gjendja që po kalojmë”

Shumë familje ankohen se nën cadra kanë persona të sëmurë për të cilët kërkojnë më shumë vëmëndje.

“Njërin fëmijë e kam të sëmurë se e kam me probleme, tjetrin e kam bërë operacion. Këtu edhe derrat nuk jetojnë”

E vështirë ishte nata edhe për banorët e Durrësit të Strehuar në palestrat e shkollave.

Në mëngjes, të gjithë morën udhëzimin se prej aty do të transferohen në hotele përgjatë bregdetit ose deri në Kosovë