Dhuna ndaj Kryeredaktorit të “KJ”, Biberaj: Fjalën e lirë nuk e burgos dot mafia në pushtet

Arrestimi dhe dhuna e ushtruar mbrëmjen e së premtes ndaj Kryeredaktorit të “KOHA JONË”  Qamil Xhani, i cili po ushtronte detyrën e tij, ka shkaktuar një lumë reagimesh jo vetëm nga gazetarët, por edhe në opinionin publik.

Lidhur me këtë ngjarje të paprecedentë ka reaguar edhe ish-deputeti i Partisë Demokratike Aleksandër Biberaj.

Përmes rrjeteve sociale, Biberaj shprehet se fjalën e lirë nuk e burgos dot mafia në pushtet!

“TË LIROHET URGJENTISHT NGA BANDAT POLICORE KRYEREDAKTORI I GAZETËS “KOHA JONË” QAMIL XHANI!

Të dashur miq,

Banditët me uniforma policie kanë arrestuar kryeredaktorin e gazetës “Koha Jone” gazetarin Qamil Xhani, i cili duhet liruar urgjentisht, pasi fjalën e lirë nuk e burgos dot mafia në pushtet!”, shprehet Biberaj.