Dhuna u shkaktua nga mjete të forta, policia jep detaje për vdekjen e të moshuarve në Dropull

Policia e Gjirokastrës ka dhënë detaje rreth ngjarjes së rëndë në Dropull, ku një çift të moshuarish u gjetën të pajetë. Në trupat e tyre, sipas policisë janë shkaktuar shenja dhune, të shkaktuara me mjete të forta rrethanore. Ngjarja ndodhi rreth orës 08:00 në fshatin Bodrisht.

Dropull/Informacion paraprak
Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.

Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.

Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes.