Dialogu PS-Rithemelim, deputeti Korreshi tregon pikat kryesore që duhen ndryshuar

Deputeti i Rithemelimit, Saimir Korreshi flet për dialogun mes PS-së dhe Rithemelimit për ngritjen e dy komisioneve hetimore. Korreshi tha se pas kësaj duhet të ketë një dakordësi edhe për Reformën Zgjedhore, ku sipas tij duhet të përfaqësohen shumica e deputetëve të opozitës. Deputeti renditi disa prej ndryshimeve që duhen bërë në ligjin zgjedhor duke theksuar rikthimin e koalicioneve.

”Shumica janë për lista të hapura, është një nga pikat kryesore. Ka disa pika të tjera, është rikthimi i koalicioneve. Duhet të ketë patjetër koalicion. Por edhe në rast se bëhen këto koalicione, secili duhet të ketë listat e veta.

Pjesa dërrmuese nuk është për një rajon si zonë zgjedhore. Ky komision e ka afatin deri më 21 mars. Nëse do ketë një dakordësi, besoj se nuk ka më dyshime se është vullnet parlamentar që shumica e deputetëve të kenë përfaqësimin e tyre. Unë shikoj çfarë duan njerëzit. Njerëzit duan rikthimin e koalicioneve që është gjëja më kryesore mendoj unë”.