Dibër, 33-vjeçari vdes në spital pas plagosjes me thikë

Një 33-vjeçar në Dibër humbi jetën mbrëmjen e sotme në spitalin e Peshkopisë pas plagosjes me thikë.

Viktima I.Zogu nga fshati Arras u godit me thikë nga persona të paidentifikuar.

Ai kishte marrë plagë në këmbë dhe pjesën e përparme të barkut.

I.Zogu ka ndërruar jetë në urgjencën e spitalit të Peshkopisë.

Policia e Dibrës ka nisur hetimet për zbardhjen e rrethanave të ngjarjes dhe po punon për identifikimin e autorëve të plagosjes.