Diell dhe rritje temperaturash deri në 37 gradë, parashikimi i motit për sot

Vendi ynë do të vijojë të jetë nën ndikmin e kushteve të qëndrueshme atmosferike.

Moti parashikohet të jetë me kthjellime dhe vranësira të cilat do të bëhen prezente në orët e mesditës.

Në zonat malore në veri të vendit vranësirat do të pasohen nga reshje lokale shiu.

Era do të fryjë me drejtim nga kuadrati i jugut me shpejtësi mesatare 1-8 m/s ndërsa përgjatë vijës bregdetare dhe zonat luginore era fiton shpejtësi deri në 13m/s duke bërë që valëzimi në dete të jetë i forcës 2-3 ballë.

Temperaturat parashikohen:
në zonat malore 17 deri 32°C
në zonat e ulëta 19 deri 37°C
në zonat bregdetare 22 deri 36°C