Diell i ngrohtë dhe rritje temperaturash, njihuni me parashikimin e motit për sot

Moti në vendin tonë për ditën e sotme do të jetë me diell të ngrohtë dhe rritje temperaturash.

Vendi ynë sot do të mbizotërohet nga alternime kthjellimesh dhe vranësirash duke sjellë mot të qëndrueshëm, por në zonat malore mund të ketë edhe reshje shiu të izoluara.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 09°C në 19°C, në zonat e ulëta nga 14ºC në 26°C dhe në zonat bregdetare nga 17°C në 27°C.

Era do të jetë në drejtim Veriperëndimor ndërsa forca e valëzimit në det do të jetë mbi 3 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot kryesisht të qëndrueshëm, por nuk do të mungojnë reshjet e izoluara të shiut. Temperaturat do të pësojnë një rritje të lehtë ku do të variojnë: në zonat malore nga 07°C në 18°C dhe në zonat e ulëta nga 10°C në 21°C.