Dimri i gjatë/Familja Daçi pa para dhe në një strehë që po rrënohet

Çdo dimër 7 anëtarë të familjes Daçi në Gjoricë të Poshtme të Bulqizës e kanë një sfidë mbijetese. Fëmijët sëmuren sepse mungon ngrohja dhe lekë për dru nuk kanë. E vetmja e ardhur ekonomike për familjen janëe 10 mije lekët që merr kryefamiljari invalid. E zonja e shtëpisë Arbjonda është e vetmja që punon për të rritur 3 të mitur, me i madhi prej të cilëve vetëm 5 vjeç. Ajo i shërben dhe bashkëshortit invalid dhe nënës së tij. Duke na treguar para kameras, miellin e fundit që ka në shtëpi, ajo apelon për ndihmë.