Dita e “armëpushimit” me Covid, masat u neglizhuan në bashkitë e kuqe dhe të gjelbra

Koronavirusi nuk bëhet më pak i rrezikshëm në fundjavë, por qytetarët nga ana e tyre janë shumë herë më neglizhentë. Masat parandaluesu u shkelën masivisht në të ashtuquajaturat bashki të kuqe apo të gjelbra.

Një rast i ri me koronavirus u konfirmua, duke e çuar në 5 numrin e të prekurve në qytetin e Fierit.

E prekur me Covid 19 ështtë gruaja e farmacistit të konfirmuar më sëmundjen pak ditë më parë.

Fieri është një nga 6 bashkitë e prekura nga koronavirusi që do të konsiderohen të kuqe edhe pas 11 Majit.

Qytetarët atje do të duhet të lëvizin sipas rregullave dhe kufizimeve në fuqi.

Ndaj të dielen e liridaljen e shfrytëzuan të gjithë.

Nga fëmijët tek të moshuarit ishin në rrugë e parqe.

Masat mbrojtëse dhe rregullat e distancimit ishin neglizhuar edhe pse qytetarët flasin për rritje të ndërgjegjësimit për rrezikun e sëmundjes.

Një ditë para se ti bashkohet qyteteve të gjelbra, në Elbasan masat anti-Covid u shkelen masivisht.

Pa zbatuar orare e duke neglizhuar masat, në rrugë ishin të gjitha moshat.

Lehtësimin e masave e konsiderojnë të vonuar.

Por janë të vetëdijshëm se rreziku nuk ka ikur.

Kjo e dielë ndërkohë ishte e fundit me ndalim lëvizje për vajzat e djemtë mbi 14 vjeç. /Ora News