Dita e parë e shkollës, trafik i rënduar dhe kaos në Tiranë

Dyert e shkollave janë hapur sot për të mirëpritur 488.938 nxënës për këtë vit.

Janë 58.032 nxënës që janë regjistruar në arsimin parashkollor, 319.066 në arsimin bazë, 108.636 nxënës në arsimin e mesëm me kohë të plotë dhe 3,204 në arsimin e mesëm me kohë të pjesshme.

Por me nisjen e vitit të ri shkollor janë rikthyer problemet në trafik, kryesisht në Tiranë.

Rrugët kryesore të kryeqytetit kanë qenë thuajse të gjitha të bllokuara nga trafiku dhe të “humbur” nuk kanë qenë vetëm fëmijët, por edhe qytetarët e tjerë të shumtë që kanë shkuar më tepër se 5 minuta me vonesë në punë.