Ditë e nxehtë dhe temperatura deri në 41 gradë, parashikimi i motit për sot

Dita e mërkurë, do të shënojë edhe kulmin e valëve të nxehtit Afrikan në territorin Shqiptar duke ngjitur termometrin në mbi 40 gradë C

Përsa i përket kushteve atmosferike; mot i kthjellët dhe i nxehtë do të dominojë në të gjithë territorin e vendit. Orët e pasdites do të sjellin vranësira në zonat malore përgjatë shtrirjes Lindore duke rrezikuar rrebeshe shiu afat-shkurtra. Pritet që vlera më të larta të shënohen përkatësisht në Qarqet: Elbasan, Berat dhe Gjirokastër ku termometri do të ngjitet deri në 40 apo 41 gradë C.

Temperaturat e ajrit mbeten të larta si në mëngjes dhe në mesditë duke luhatur vlerat ditore nga 18°C deri në 41°C.

Era do të fryjë e lehtë me shpejtësi 28 km/h nga drejtimi Perëndimor duke krijuar në brigjet detare dallgëzim të ulët.