Ditën e pushimit Olsian Çela rikthehet tek ish-zyra në Krimet e Rënda

Ditën e pushimit prokurori Olsian Çela e ka shfrytëzuar për tu rikthyer në ish-zyrën e tij te Prokuroria e Krimeve të Rënda.

Mësohet se Çela ka qëndruar për mbi 3 orë te Krimet e Rënda aty ku ka marrë të gjitha sendet e tij personale nga zyra në të cilën ka qëndruar prej më shumë se një dekade, si dhe ka dorëzuar dosjet që kishte në hetim.

Një ndër dosjet që po hetonte Çela i cili mori mandatin 7-vjeçar të kryeprokurorit është edhe ajo e masakrës së Peshkëpisë, dosjet që pritet t’i kalojë SPAK pasi konsiderohet akt terrorist vrasja e ushtarëve shqiptarë nga nacionalistët grek.