Djali i Belerit kandidat i PD-së për bashkinë e Himarës? Reagon Dhuli: Po diskutohet çdo emër

Apeli i GJKKO-së la në fuqi dënimin për Fredi Belerin me 2 vite burg për korrupsion zgjedhor. Ish-zëdhënësi i fushatës së Belerit, Skerdjan Dhuli tha se ky vendim ishte i pritshëm, pasi sipas tij arsyet se përse Edi Rama e donte në burg lidheshin me vjen bregdetare të detit jon dhe tokat në Himarë.

“Vendim i pritshëm, nuk kam menduar që Beleri do dalë i pafajshëm për arsye se nëse do e besoja i bie që të mos besoja arsyet se përse shkoi në burg, arsyet nuk lidheshin as me Belerin as me PD, por me vijën bregdetare të detit jon që është thembra e Akilit. Ishte i pritshëm, edhe nga vetë personi, ne e dimë arsyet se përse ia ishte aty”, tha Dhuli.

Nga ana tjetër, Dhuli tha se Partia Demokratike po diskuton për emrin e kandidatit të ri, pasi dënimi me formë të prerë nga Apeli i hap rrugë zgjedhjeve për kryetarin e ri të Himarës. I pyetur nëse djali i Belerit mund të jetë kandidat, Dhuli tha se po diskutohet çdo emër.