Djali i francezes që jeton në Tiranë, në klubin e viktimave dje në Paris
Mamaja e tij ka vendosur të jetojë në Shqipëri, duke u bërë e njohur si francezja e ëmbëlsirave.
Marie Marchal është e njohur në mbarë Tiranën, për shkak të pastiçerisë së saj.
Edhe i biri i saj, Stanislavi, është i lidhur më Shqipërinë.
Kur ndodhi tragjedia e rëndë e Gërdecit, ai ndodhej në autostradë dhe nisi të ndihmonte të plagosurit me sa mundej.
Është mjek dhe i ka rastisur të jetë edhe në një tjetër tragjedi.
Mbrëmë Stanislav ishte në klubin Bataclan, ku ndodhi edhe sulmi kryesor terrorist.
Ai u fotografua duke ndihmuar të plagosurit dhe përfundoi në kopertinën e "Liberation" (djathtas në foto)
Mamaja e tij, Marie, është e lumtur që i biri ka shpëtuar.
Duke folur për News24, ajo thotë se i biri është human jo vetëm nga profesioni.
“Ai u qëndroi pranë të lënduarve në Gërdec, e bëri këtë gjë edhe mbrëmë”.
Ajo thotë se Franca është tronditur nga këto sulme.
“Ne jemi një vend i hapur,” thotë ajo. “Kjo ishte një traumë”.