”Djaloshi i altarit i Putinit”, Patriarkana e Moskës: Papa Françesku po përdor tonet e gabuara

Thirrjet nga Papa Françesku ndaj Rusisë që ti japë fund luftës në Ukrainë, nuk kanë munguar. Por nga ana tjetër, Patriarkana e Moskës thotë se Papa po përdor tonet e gabuara për të përcjellë përmbajtjen e bisedës që ka pasur me Patriarkun Kirill.

“Është për të ardhur keq që një muaj e gjysmë pas bisedës me Patriarkun Kirill, Papa Françesku ka zgjedhur tonin e gabuar për të përcjellë përmbajtjen e kësaj bisede”, ky ishte komunikimi i Departamentit për Marrëdhëniet e Jashtme Kishtare të Kishës Ortodokse Ruse.

Ishte fillimisht Papa Françesku ai që paralajmëroi liderin e kishës ortodokse ruse, që të mos bëhet “djaloshi i altarit i Putinit”. Në fjalët e tij më të ashpra deri më tani kundër patriarkut pro-luftës, Françesku kritikoi Kirillin për mbështetjen e arsyeve të deklaruara të Rusisë për pushtimin e Ukrainës.

“Kam folur me të për 40 minuta përmes Zoom”, tha Papa për të përditshmen italiane Corriere della Sera në një intervistë të botuar të martën.