”Do flas me emra”, Salianji: Jo luftë, kemi vjedhje. Porti i Durrësit një prej pronave më të mira publike

Deputeti i PD-së, Ervin Salianji, thotë se miliona euro po dërgohen në xhepat e oligarkëve nga kontrabanda e naftës. I ashpër është për Portin e Durrësit, teksa tha se po e çojnë në Porto Romano, pranë oligarkëve. Salianji premtoi se do të flasë me emra.

”Kam prova të plota për ato që thashë. Është e dukshme dhe e qartë që shoqëria shqiptare nuk ka forcën e domosdoshme për të ndaluar skema të tilla mafioze të pronësimit të Shqipërisë nga 5 veta maksimumi.

Sot çështja me e rëndësishme është grabitja e Portit të Durrësit, një prej aseteve më të rëndësishme për shqiptarët. Janë të gjitha skema të kalimit të parave të qytetarëve drejt oligarkëve. Nuk kemi luftë siç thotë Rama, kemi vjedhje”.