Do kandidojë në Shkodër? Rudina: Nisma Thurje do sjellë risi Shqipërisë

Deputetja Rudina Hajdari ka folur për partinë që do të garojë për zgjedhjet e 25 prillit. Nisma Thurje ku kryetar është zgjedhur Endri Shabani, ndërsa Hajdari do të kandidojë në qarkun e Shkodrës si deputete. Në një intervistë për Fax News, Hajdari është shprehur se aktualisht janë në fazën e koordinimit të qarqeve, sakaq ka shtuar se ende nuk janë vendosur kandidaturat. Sipas saj, qëllimi i partisë së saj është të sjellë risi në Shqipëri duke shtuar se synojnë votën e shqiptarëve të pakënaqur de të zhgënjyer nga klasa e vjetër politike.

”Nuk është një fakt për tu fshehur që merrem dhe me rrethe të tjera si Shkodra dhe të tjera në veri të vendit. Duke marrë parasysh prejardhjen time, kam udhëtuar drejt këtyre qyteteve dhe kam organizuar këto qarqe, por jemi ende në fazat e para dhe pas regjistrimit të lëvizjes politike, pas hapave të tjerë që do ndërmarrim, do bëjmë një finalizim të kandidaturave nëpër qarqe dhe pa dyshim, me shumë kënaqësi do e them zyrtarisht se ku do të kandidoj. Për momentin jemi në fazën ku po koordinojmë qarqet. Ne kemi dëshirë të sjellim një risi në Shqipëri që të bashkohen idetë tona dhe të jenë vizionet që janë dakord të gjithë ata qytetarë shqiptarë që ndihen të papërfaqësuar sot. Do të rikthejmë sovranitetin e Presidentit dhe Parlamentit. Mendoj që këto 8 pika të kartës 20.20 janë një mënyrë për ta fuqizuar qytetarin dhe për ti dhënë mundësinë që të përfaqësojë veten. Ata që janë të pakënaqur dhe të zhgënjyer. Të pakënaqurit janë të tërhequr dhe nuk marrin pjesë në jetën aktive politike. Kemi dhe të zhgënjyerit që kanë votuar për një krah apo tjetër dhe në momentin shohin mënyrën se si janë përgjigjur ndaj premtimeve, shikon se janë të pakënaqur. Mendoj se ne do thithim dhe do bëjnë pjesë ata njerëz që mendojnë se klasa e vjetër politike i ka sjellë këtë zhgënjim”,-tha ajo.