Do tërhiqet gjykatësja Irena Gjoka? Berisha: Gjithçka sipas skenarit të Ramës

Sali Berisha do të vijojë të jetë në pritje për të paktën 24 orë të tjera për të mësuar fatin e tij, pasi sot GJKKO nuk pati një vendim. Pas rreth 1 ore seancë, GJKKO vendosi që të shtyjë për ditën e nesërme në orën 11:00 vendimin për ish-kryeministrin.

Por ai pranoi se nuk ka asnjë shpresë që gjykatësja Irena Gjoka të tërhiqet nga gjykimi kundër tij, edhe pse avokatët paraqitën vendimin e shkarkimit sa saj në vitin 1996. Në një konferencë për mediat, kreu i Rithemelimit pohoi se i gjithë procesi kundër tij është politik dhe po dirigjohet nga Edi Rama.

“Procesi i shtyrë do merrte vetë vendim gjykatësja, çka unë nuk besoj të tërhiqet nga vendimi i saj, apo duhet të marrë vendim një gjykatës tjetër, këtë do e bëjnë të qartë avoketërit. Por fakti është se gjithçka zhvillohet sipas skenarit të Edi Ramës”.

Lidhur me kërkesën e SPAK për prezencë të policisë tek dera e shtëpisë gjatë ekzekutimit të masës së arrestit, Berisha reagoi i pa shqetësuar. “Do venë policë? Unë e ftoj të vënë një batalion, ta rrethojnë atë rrugicën aty ku jam unë dhe unë nuk kam asnjë problem”.