Do ti hiqet mandati Berishës? Deputeti Toni Gogu tregon çfarë do të bëjë PS-ja në Kuvend

Në izolim që prej 30 dhjetorit, Sali Berisha është pranë afatit për djegien e mandatit si deputet, sepse është futur në muajin e gjashtë që nuk shkel në Kuvend. Socialisti Toni Gogu tha se maxhoranca nuk djeg mandate, por thjesht shqyrton kërkesat e prokurorisë.

”Nuk na intereson se çfarë bëjnë me njëri-tjetrin. Tollovia që është mes tyre neve nuk na intereson. Nuk është ky problemi. Po ju vjen data e gjyqit, kush do marri vulën. Nga ana tjetër është edhe ai nga ballkoni, që është aty falë lidhjeve me krimin e organizuar. Kemi beteja të tilla”,-tha deputeti i PS-së.

Xhokaxhi: Do ia digjni mandatin Sali Berishës?

Gogu: Ne nuk djegim mandate, ne i verifikojmë dhe i heqim kur na i kërkon prokuroria në zbatim të kushtetutës. Ne nuk heqim dhe djegim mandate.