Doktor Vasil Llajo shpjegon dy llojet e testeve që bëhen për të zbuluar Covid-19

Doktor Vasil Llajo i ftuar në emisionin Arena nga Dritan Hila në RTV ORA, ka shpjeguar llojet e testet që bëhen për të zbuluar Covid-19.

Ai sqaroi se janë dy lloj analizat që kryhen, që bazohen në dy metodologji të ndryshme: golden standard, me metodën e PCR, dhe testet e serologjisë.

Vasil Llajo: Atëherë le t’i diferencojmë testet që bëhen për detektimin e Covid-2, atij që shkakton Covid-19, sepse vetë virusi vetë është SarsCov-2.  Janë dy lloj analizat që kryhen, që bazohen në dy metodologji të ndryshme: golden standard është e preferuar, me metodën e PCR, që merret nga fyti me tamponë  dhe kjo detekton pozitivitetin e virusit në organizëm. Kjo është metoda më e preferuar për ta detektuar virusit dhe është më e kushtueshme, duke variuar 80, 100-120 euro. Testet masive janë testet e serologjisë që janë 3 lloje: metoda e Elisës, që është mëma e sirologjisë në infeksionet virale, kemi ludimishenca dhe imunokromatografia është që test i shpejtë i cili në rastet e pandemisë nuk bëhet screening e popullatës, pra, përjashtohet përdorimi testeve të shpejta. Diskutimi është nëse do të përdorim testet sirologjike.