Donacionet për tërmetin, ish-zv/ministri Majlind Lazimi: Aftësia përthithëse ishte e dobët

Tërheqja e disa shteteve nga zotimi për të ndihmuar Shqipërinë me fonde për rindërtimin ishte diçka e pritshme, sipas ekspertit për ekonominë Majlind Lazimi, veçanërisht në kushtet e pandemisë.

Për ish-zv.ministrin e Integrimit, edhe kapacitetet përthithëse të qeverisë nuk kanë qenë të angazhuara maksimalisht në këtë proces.

1 vit pas tërmetit, Lazimi shprehet se programi i rindërtimit duhet të kishte qenë më i koordinuar në të gjithë hallkat e tij, duke zbatuar procedura të përshpejtuara prokurimi për të strehuar sa më parë ata që humbën shtëpitë.