“Dosja 339”, PD: Pas mori shuplakën e popullit, Dako po fshin gjurmët përmes zjarrit

Vazhdojnë reagimet lidhur me zjarrin që përfshihu pasditen e sotme godinën e bashkisë së Durrësit.

Rrethanat e dyshimta të këtij zjarri si edhe pjesa ku ka rënë, pikërisht tek arkiva, kanë sjellë edhe reagimin e kryetarit të PD në këtë qytet, Ferdinand Xhaferraj.

Ky i fundit nuk e sheh aspak të rastësishëm këtë zjarr duke theksuar se Dako tani po fshin gjurmët e asaj që bëri me tenderët fiktivë dhe masakrën me lejet e ndërtimit në qytet.

“Pasi mori shuplakën nga populli në 30 qershor, tani para se të ikin po fshijnë gjurmët përmes zjarrit të asaj që kanë bërë gjithë këto vite me tenderët dhe lejet e ndërtimit. E gjithë bashkia e Durrësit ka qenë një dosje 339 nga fillimi deri në fund”, shprehet Xhaferraj.