Dosja “Doshi”, Gjykata dërgon në shtëpi Durim Bamin

Gjykata e Lartë vendosi sot të ndryshojë masën e sigurisë për Durim Bamin, duke e lënë atë në arrest shtëpie. Bami cilësohej nga deputeti Tom Doshi, si personi “i paguar nga Meta për të vrarë dy deputetë”.

Vendimi i sotëm ka ardhur pasi i Prokuroria kishte ndryshuar akuzën ndaj tij.

Avokati i 36-vjeçarit nga Fushe- Kruja i ka kërkuar trupit gjykues shpalljen si të paligjshme të arrestimit të klientit të tij, pasi sipas mbrojtësve ligjorë, Bami është arrestuar për një krim që nuk ekziston dhe që nuk ka ndodhur.

Bami, në dëshminë e filmuar nga deputeti i Shkodrës, Tom Doshi, deklaroi se ishte Ilir Meta dhe Fatjon Skënderaj që kishin paguar 500 mijë euro për të ekzekutuar Doshin.