Dosja e fortë nga SPAK, Bajrami: Kokat e grupeve kriminale në zonat që mbulojnë janë më të fortë se deputetët

Teksa flet për dosjen e fortë të SPAK-ut të ditëve të fundit, gazetari Armand Bajrami thotë se këta njerëzit e grupeve kriminale që flitet në dosje, janë njerëz që kanë shumë më tepër fuqi se deputetët, në zonat që mbulojnë.

Për të në këto drejtues të grupeve drejtojnë edhe institucione. Ai e cilësoi një hap pozitiv operacionin e fundit të SPAK.

“Operacioni i SPAK dekurajon këto grupe, por efektet mos i prisni në një ditë. Deri para se të krijohej SPAK, çdo nëpunës, në çdo zyrë të vendit, firmoste çdo shkresë, që i çohej në momentet e fundit. Ndërsa sot ndodh shumë më pak, sepse nëpunësit e panë që mund të përfundojnë në Gjykatë apo paraburgim”, tha Bajrami.