Dosja e patronazhistëve, Bushati: Heronjtë e fëmijëve e lanë skandalin kopil

SPAK-u ka vendosur të mbyllë dosjen e skandalit të patronzhistëve. Lajmin e dha gazetari Andi Bushati, kjo përmes një postimi në Facebook. Ai ishte personi që denoncoi skandalin e publikimit të të dhënave personale të mbi 910 mijë qytetarëve.

Referuar deklaratës së ambasadores së SHBA-së në Tiranë, Yuri Kim, e cila i konsideroi prokurorët e SPAK-ut si ”heronj të fëmijëve”, Bushati shton se këta heronj kanë dalë në përfundimin se në skandali e patronazhistëve nuk ka pasur krim zgjedhur dhe pse kurrë nuk kanë hetuar PS-në apo në Agjencinë Kombëtare të Shoqërisë së Informacionit (AKSHI).

“Sot kisha një tjetër takim në Gjykatën e Lartë me “heronjtë e fëmijëve tanë”, që gjenden në SPAK. Por ata janë tërhequr nga çështja e patronazhisëve. E bukura qe se dhe përfaqësuesi i akuzës nga prokuroria e përgjithshme kërkoi tërheqjen duke e lënë skandalin kopil. Kjo është Reforma e re në Drejtësi, ku një çështje fare mirë mund të mos i takojë askujt. Dhe e bukura është se heronjtë e SPAK kanë arritur në konkluzionin se nuk ka krim zgjedhor ndonëse nuk guxuan kurrë të shkelnin në PS AKSh”.