Dramatike në Dibër, bora izolon 14 familje, rëndë një 50-vjeçar

Situatë dramatikë në Dibër. 14 familje janë të izoluara totalisht nga dëbora në fshatin Zall Dardhë.

Njoftohet se një banor i fshatit ka nevojë për ndihmë urgjente mjekësore. Bëhet fjalë për 50-vjeçarin Islam Hoxha, i cili sipas familjarëve ndodhet në gjendje të rëndë shëndetësore.

Kanë qenë pikërisht të afërmit e tij që kanë vënë alarmin dhe kanë kërkuar ndërhyrje nga ajri për të marrë 50-vjeçarin.