Përfaqësues të TANJUG në Shqipëri, vizitojnë për herë të parë ATSH-në

Rritja e mëtejshme e bashkëpunimit mes ATSH-së dhe TANJUG-ut, ishte tema kryesore e bashkëbisedimit, në takimin e zhvilluar sot në Tiranë mes drejtoreshës së ATSH-së, Armela Krasniqi dhe Drejtoreshës së agjencisë serbe të lajmeve TANJUG, Branka Djukiç.

Kjo është vizita e parë që znj. Djukiç zhvillon në ambientet e Agjencisë Telegrafike Shqiptare.

Gjithashtu, drejtueset e dy agjencive, diskutuan edhe për shkëmbimin e lajmeve, videove dhe fotove.

ATSH dhe TANJUG janë dy nga agjencitë më të vjetra në rajonin e Ballkanit dhe kanë një bashkëpunim zyrtar prej shumë vitesh, i cili do të vijojë me projekte të përbashkëta në të ardhmen. /a.g/