Drejtori i Spitalit: Gazetari dhe policët janë në gjendje të mirë

Drejtori i Spitalit Ushtarak, në një deklaratë për mediat tha se gjendja e policëve të plagosur dhe gazetarit Bledi Kasmi, është e mirë.

”Në spital kanë mbërritur 9 policë të dëmtuar me dëmtime në regjone të ndryshme të organizmit dhe një gazetar i ardhur 10 min para tyre. Gjendja është e mirë, pa probleme për jetën. Janë bërë ekzaminimet e nevojshme, janë marrë edhe mjekime në urgjencë. Tre nga policët janë kartela të hapura dhe do të observohen nga ora në orë, ndërsa pjesa tjetër e policëve dhe gazetarit do të largohen pas pak minutash”.