Drejtori i Ujësjellësit të Sarandës: I kam lënë qytetarët edhe tri ditë pa ujë, si eksperiment. Nuk reagoi njeri

Mentaliteti “7 ballë tërmeti, nuk lëviz uniteti”, duket se në forma të vetat është i pranishëm kudo.

Ja një rast nga Saranda.

Në një intervistë për “Saranda ion”, Sheme Lulo i pyetur se sa orë në ditë furnizohet qyteti me ujë, përgjigjet “8 orë”. I pyetur nëse ky furnizim është i mjaftueshëm, Lulo nxjerr xhevahirin nga goja:

Unë i kam lënë edhe tri ditë pa ujë për të parë sesa kërkesë ka. S’i ka rënë asnjëri telefonit që të thotë “shiko se jam pa ujë”.