Drejtori infektohet me koronavirus, mbyllet Zyra e Punës në Gramsh

Në Gramsh ditën e sotme u konfirmuan katër raste të reja, ndërsa Covid-19 ka prekur edhe institucionet.

Gazetari Aldo Kozarja bën të ditur për abcnews.al se është infektuar me koronavirus drejtori i zurës së punës, Vesel Braho.

Për pasoja Zyra e Punës në Gramsh është mbyllur, për të penguar përhapjen e mëtejshme të Covid-19. Po ashtu pozitive ka rezultuar edhe bashkëshortja e tij, e cila është mësuese.

Ndërkaq, në Gramsh kanë rezultuar të infektuar edhe një tjetër mësuese si dhe një polic.