Drejtoria Tatimeve njofton qytetarët ku të ankohen nëse iu refuzohet kërkesa për “Pagën e Luftës”

Të gjithë tatimpaguesve që iu është refuzuar kërkesa për të përfituar nga ndihma financiare e qeverisë mund të ankohen në adresat e dedikaura që Drejtoria Tatimeve ka vënë në dispozicion.

Çdo Drejtori Rajonale ka adresën specifike ku mund të dërgohetë ankesa, e cila për individët duhet të jetë e shoqëruar me numrin NIPT të biznesit ku është punësuar dhe numrin personal NID.

Për bizneset nga krahu tjetër nevojitet vetëm NIPT-i i tij.

Njoftimi i plotë:  

Drejtoria e Përgjithshme e Tatimeve bën me dije për të gjithë të interesuarit, të cilët konsiderojnë se mund të jenë përfitues të ndihmës financiare sipas rregullimit me VKM nr.254 datë 27.03.2020, por kërkesa e tyre është refuzuar, se kanë mundësi të paraqesin kërkesën/ankesën e tyre duke duke komunikuar përmes adresës e-mail të Drejtorisë Rajonale, ku ata banojnë:

Gjithashtu, nëpërmjet adresës email denoncime@tatime,gov.al cdo individ i interesuar mund të paraqesë shqetësimin në lidhje me këtë praktikë.

Është e rëndësishme që kërkesa/ankesa e dërguar nga individët duhet të përmbajë NIPT e subjektit në të cilin është i punësuar dhe ka aplikuar, si dhe NID përkatës të individit, ndërkohë që tatimpaguesi në kërkesën/ankesën e tij duhet të vendosë NIPT-in e subjektit.

Administrata tatimore mbetet e angazhuar maksimalisht për të trajtuar me korrektesë cdo kërkesë si dhe për të vijuar në zbatimin rigoroz të këtij procesi, në përpjekjen e përbashkët për menaxhimin sa më mirë të situatës së emergjencës të krijuar nga COVID -19.

Adresat e Drejtorive Rajonale Tatimore për ankesat