Drejtuesi politik i Lezhës, Mark Marku: Do të zhgënjehen ata që mendojnë…

Lulzim Basha ia besoi drejtimin politik të fushatës në qarkun e Lezhës profesorit të njohur Mark Marku, i cili gjithashtu ishte pjesë e komisionit për vettingun e kandidatëve për deputetë.

Pas zgjedhjes së tij nuk munguan kritikat se ai është në konflikt interesi, por Marku e mohon një gjë të tillë për Rtv ora duke argumentuar dhe arsyet.

Marku: Nuk ka konflikt interesi për shkak se unë jam drejtues politik i qarkut. Komisioni nuk ka kaluar drejtuesi politik, drejtuesit politik janë pjesë e të drejtave dhe detyrimeve të kryesisë, kryetarit të partisë dhe strukturave për ti caktuar. Nuk e kam pasur synim të angazhohem në aksion politik konkret. Mendoj se nuk ka konflikt interesi, nuk është se e kam kërkuar unë.Mu kërkua, mora një vendim. Në të dy rastet e kam bërë për të iniciuar dhe promovuar disa procese normale në PD që ti jap shoqërisë shqiptare ca indicie që kjo parti e ka seriozisht çështjen e pushtetit.Nuk kam asnjë interes të tipit personal, nuk e kërkoj për status se e kam statusin tim publik. Profesionin e kam dhe shumë stabël. Edhe nga financat si deputet unë humb.

Mes zërave kundër, ajo që bëri më shumë përshtypje ishte një status i zëdhënëses së ish-kryeministrit Sali Berisha, Erla Mëhilli, që nga shumë u lexua edhe si një qëndrim i tij.

Por Mark Marku mendon ndryshe.

Marku: Nuk ngatërroj Berishën me zëdhënësen e tij. Berisha nuk përfaqësohet as përmes zëdhënësave, as përmes këshillltarëve dhe as Ministrave. Nëse Berisha do të ketë pasur një pakënaqësi padyshim që e ka pasur mundësinë për tu shprehur, nuk mendoj se kërkon forma të tilla të ndërmjetme. Është komenti i Erla Mëhillit dhe nuk më thotë asgjë. Nuk e shoh fare si qëndrim të Berishës, por edhe nëse është, ok.

Ndërkohë kritikët që thonë se nuk ka eksperiencë në terren, profesor Marku i garanton se do të zhgënjehen.

Marku: Eksperienca që PS ka në terren deri tani është eksperienca me kriminelë, ne nuk e kemi dhe nuk do ta kemi. Por përvojë fushate në terren kam se kam bërë një fushatë konrete, e njoh zonën. Aty ku kam qenë në fushatë kemi fituar 4 dhe kemi luftuar për të 5-in. Njerëzit e dinë si kam punuar unë në terren. Kam bërë dy fushata në terren. Fushatë elektorale për zgjedhjet e përgjithshme dhe ato lokale. Kjo më ndihmon të bëj një fushatë më të mirë. Do të zhgënjehen të gjithë ata që mendojnë se nuk kam përvojë në terren.

Sa i takon objektivave për Lezhën e cila ka 7 deputetë, Marku shprehet.

Marku: Në të gjitha rastet PD bashkë me opozitën, LSI, marrin 4 me punë. Nuk e di si do të kompozohen listat. Do të tentojmë të ruajmë katër dhe të marrim të pestin. Bëhet fushatë për të nesërmen dhe jo të shkuarën.