Droga në Divjakë, gjykata 15 vjet burg Riformatos

Gjykata e Krimeve të Rënda i ka akorduar plot 15 vite burg italianit Giorgio Riformato, piloti i avionit me drogë që u kap në Divjakë, gati dy vjet më parë.

Konkretisht, Riformato u arrestua më 10 maj të vitit 2014, pasi avioni që ai pilotonte ngeci në rërën e plazhit në Divjakë dhe në brendësi të tij, policia gjeti plot 460 kilogram drogë të llojit kanabis sativa.

Akuza që prokuroria ngriti ndaj tij ishte pikërisht ajo e trafikut ndërkombëtar të drogës, të mbetur në tentativë.