Droga që u kap në Itali u nis nga Narta

Droga e kapur dje në Itali është nisur nga Narta e Vlorës, e nga aty është ngarkuar në skafin e fuqishëm në drejtim të Italisë ku edhe u kap dhe u sekuestrua, si dhe ku u arrestuan edhe dy shqiptarë.

Lënda narkotike prej 500 kg ishte magazinuar në këtë zonë dy javë më parë, thonë burime policore nga Vlora. Në afërsi të Lagunës së Nartës u gjetën dy bidona benzine bosh dhe gjatë kontrollit të policisë në një banesë të braktisur u gjetën edhe ushqim, por edhe bishta cigaresh.